Cemâl-i Hakk'ı maksûd eyle gün gibi hevâdan geç
eyâ cânım tarik-i aşka gir çarh-ı belâdan geç
cefâ vü cevri çek sabr eyle Eyyub-veş devâdan geç
urûc it âlem-i bâlâya bir bir mâsivâdan geç
der-i DERVİŞe var ahbâb-ı dünyâ bâbına varma
libâs-ı fakrı giy dünyâ kabâsın duşuna sarma
vurup ağyâre baş beyhude cânın bâşını yarma
cünûd-i evliyâdan ol vücûd-i eşkıyâdan geç
riyâ esbâbını terk eyle Mecnûn gibi ey sûfi
safâ bul ıstıfâ kıl imtizâc-ı rengden ol sâfi
Cenâb-ı Zü'l-Celâldir ihtiyâcında heman kâfi
hazâna uğramış lâle gibi tâc u kabâdan geç
mukayyed olma halkun bâri bâr-ı i'tibârına
görüp dârât-ı Kaarunu kapılma ruzigârına
elin sürme ayağın değmesin hattâ gubârına
ferâgat eyle şâhun iltifâtundan gedâdan geç
erenler gibi ey Yahyâ belâ yolundan irşâd ol
sebât eyle vefâ kuyında hiç bilme cefâ şâd ol
müridâ gir fenâ deryâsına yoklukta âbâd ol
bekaa sahrâsına derbend-i râh-ı Kerbelâ'dan geç
eyâ cânım tarik-i aşka gir çarh-ı belâdan geç
cefâ vü cevri çek sabr eyle Eyyub-veş devâdan geç
urûc it âlem-i bâlâya bir bir mâsivâdan geç
der-i DERVİŞe var ahbâb-ı dünyâ bâbına varma
libâs-ı fakrı giy dünyâ kabâsın duşuna sarma
vurup ağyâre baş beyhude cânın bâşını yarma
cünûd-i evliyâdan ol vücûd-i eşkıyâdan geç
riyâ esbâbını terk eyle Mecnûn gibi ey sûfi
safâ bul ıstıfâ kıl imtizâc-ı rengden ol sâfi
Cenâb-ı Zü'l-Celâldir ihtiyâcında heman kâfi
hazâna uğramış lâle gibi tâc u kabâdan geç
mukayyed olma halkun bâri bâr-ı i'tibârına
görüp dârât-ı Kaarunu kapılma ruzigârına
elin sürme ayağın değmesin hattâ gubârına
ferâgat eyle şâhun iltifâtundan gedâdan geç
erenler gibi ey Yahyâ belâ yolundan irşâd ol
sebât eyle vefâ kuyında hiç bilme cefâ şâd ol
müridâ gir fenâ deryâsına yoklukta âbâd ol
bekaa sahrâsına derbend-i râh-ı Kerbelâ'dan geç